Muzeu Historik Kombëtar, Tiranë

Ekspozitë me fakte, dokumente, foto, audio dhe video për historinë e të mbijetuarve shqiptarë të Mauthausenit. Një ekspozitë multimedia do tregojë historinë e shkurtër të nazizmit në Shqipëri, si erdhën, si e gjetën Shqipërinë, si nisi rezistenca shqiptare ndaj tyre, cilat ishin momentet dhe përplasjet më të forta të ushtrisë gjermane në Shqipëri. Si nisën arrestimet, kush u arrestua dhe për çfarë, sa ishte numri i tyre, itinerari i tyre deri në kampet famëkeqe.

Ekspozita do tregojë dhe një pjesë të rrallë që nuk është rrëfyer. Historinë e të mbijetuarve nga Mauthhauseni, sa shqiptarë mbijetuan dhe pse. Cili ishte itinerari i tyre i kthimit në Shqipëri dhe si u përshtatën në regjimin diktatorial. E veçanta e kësaj historie është pikërisht jeta dhe peripecitë e disa të burgosurve në Mauthausen që erdhën e jetuan të burgosur sërish në ferrin komunist. 8 histori të gjalla, rrëfyer nga të afërm të të mbijetuarve..